अपडेट :  १३०० मत गणना गर्दा देउवा अघि–अघि, कोइराला पछि–पछि, सिंहले कटाए सय

काठमाडौँ – नेपाली कांग्रेसको १४औँ महाधिवेशन अन्तर्गत सुरु भएको सभापतिको मतगणनामा शेरबहादुर देउवाले अग्रता कायमै राखेका छन् ।  

१३०० मतगणना गर्दा शेरबहादुर देउवाले ६२६ मत पाएका छन् । डा .शेखर कोइराला ४८२ मत ल्याएका छन् । त्यस्तै प्रकाशमान सिहले ११२, बिमलेन्द्र निधिलिे ७८, कल्याण गुरुङले ४ मत मात्रै ल्याएका छन् । राष्ट्रिय सभागृहमा मतगणना जारी छ । 

---

राति १ बजे सुरु हुने भनिए पनि चार बजेपछिमात्रै मत गणना सुरु भएको हो ।  कांग्रेसको यो अधिवेशनमा ४७४३ महाधिवेशन प्रतिनिधिमध्ये ४६७९ जनाले मत खसालेका छन् । पहिलो चरणमै सभापति निर्वाचित हुन उम्मेदवारले २३४० मत ल्याउनै पर्ने हुन्छ । यो भनेको ५१ प्रतिशत मत हो । यदि ५१ प्रतिशत मत कुनै पनि उम्मेदवारले नल्याएको खण्डमा दोस्रो चरणमा धेरै मत ल्याउने दुई जनाबीच प्रतिस्पर्धा हुनेछ ।