बिहीबार थपिए २४१ संक्रमित, मृत्यु शून्य

काठमाडौँ- पछिल्लो २४ घण्टामा देशभर दुई सय ४१ जनामा कोभिड-१९ संक्रमण देखिएको छ । बिहीबार स्वास्थ्य तथा जनसंख्या मन्त्रालयकाअनुसार आठ हजार आठ सय ९७ जनाको कोभिड परीक्षण गरिएको थियो । पीसीआर परीक्षणबाट २ सय ३५ र एन्टीजेन्ट विधिबाट ६ जनामा कोभिड पुष्‍टि भएको छ ।

त्यसैगरी २ सय २८ जना संक्रमणमुक्त भएका छन् । हालसम्म ८ लाख ११ हजार ७४६ जना संक्रमणमुक्त भइसकेका छन् । आज कुनै पनि संक्रमितको मृत्यु भएन र हालसम्म ११ हजार ५ सय ९० संक्रमितको मृत्यु भइसकेको छ ।

---

देशभर सक्रिय संक्रमित ४ हजार ८ सय ७१ र २४ घण्टामा ५६ हजार १ सय १२ जनाले कोभिडविरुद्धको खोप लगाएका छन् । आईसीयूमा ८३ र भेन्टीलेटरमा २३ जना उपचाररत छन् । होम आईसोलेशनमा ४ हजार ६ सय ३४, संस्थागत आईसोलेशनमा २ सय ३७ र क्वारेन्टाइनमा १ सय ३ जना छन् ।