विराटनगर - विराटनगरस्थित नोबेल मेडिकल कलेजले अतिरिक्त शुल्क लिएको विरोधमा आन्दोलनरत विद्यार्थीहरूले सडकमा चक्काजाम गरेका छन् ।  नोबेल प्रवेश गर्ने मुख्य चोक कन्चनबारी चोकमा उनीहरूले प्रदर्शन गरेका हुन् । चक्काजामका कारण कोशी राजमार्ग अन्तरगत कन्चनबारी चोकमा सवारी साधन रोकिएका छन् । उनीहरूले मेडिकल माफिया होसियार, विद्यार्थी लुट्न पाइँदैनलगायतका नारा लगाइरहेका छन् ।

चिकित्सा शिक्षा आयोगले तोकेको शुल्क कार्यान्वयन नगरी नोबेलले अतिरिक्त शुल्क असुल गर्न थालेपछि शैक्षिकसत्र २०२०/२१ मा एमबीबीएस/बिडिएसमा अध्ययनका लागि अधिकांश विद्यार्थी भर्ना हुन पाएका छैनन् ।

---