४२८६ नमुना परीक्षण गर्दा ३६२ मा संक्रमण

काठमाडौँ : पछिल्लो २४ घण्टामा ३ सय ६२ जनामा कोभिड-१९ का संक्रमित थपिएका छन् । चार हजार २ सय ८६ जनामा पीसीआर परीक्षण गर्दा यती संख्यामा संक्रमण देखिएको हो । 

यो सँगै नेपालमा कोभिड संक्रमितको संख्या दुई लाख ६४ हजार ५ सय २१ पुगेको स्वास्थ्य तथा जनसंख्या मन्त्रालयले जनाएको छ । हाल चार हजार ६ सय ८१ जना सक्रिय संक्रमित छन् ।

---

पछिल्लो २४ घन्टामा तीन जना कोभिड संक्रमितको मुत्यु भएको मन्त्रालयले जनाएको छ । योसँगै नेपालमा कोभिड संक्रमणबाट मृत्यु हुनेको संख्या एक हजार ९ सय १२ जना पुगेको छ ।

मन्त्रालयका अनुसार शनिबार छ सय ९९ जना संक्रमणमुक्त भएका छन् । योसँगै दुई लाख ५७ हजार ९ सय २८ जना संक्रमणमुक्त भएका छन् ।