रोनाल्डोको युभेन्टसलाई इन्टर मिलानले हरायो

काठमाडौं : इटालिएन सिरी ए मा साविक बिजेता युभेन्टस पराजित भएको छ । गएको हप्ता शीर्ष स्थानको एसी मिलानलाई हराएको युभेन्टस आइतबार राती दोस्रो स्थानको इन्टर मिलानसँग २–० गोल अन्तरले पराजित भएको हो ।

इन्टर मिलानका लागि अर्टुरो भिडाल र निकोलो बेरेलाले गोल गरे । जितपछि इन्टर मिलान ४० अंकसहित दोस्रो स्थानमा छ । समान अंक नै भएपनि एसी मिलान शीर्ष स्थानमा छ । हार व्यहोरेको युभेन्ट्स भने ३३ अंकसहित पाँचौ स्थानमा छ । 

---

दुई गोल खाएपनि युभेन्टसका स्टार स्ट्राइकर क्रिष्टियानो रोनाल्डोले भने कुनै गोल गर्न सकेनन् । साविक विजेता युभेन्टस यस बर्ष उपाधि होडमा फर्किन संघर्ष गरिरहेको छ ।