अविश्‍वासको प्रस्ताव पारित गर्न एजेण्डा मिल्ने दलसँग सहकार्य हुन्छ : आचार्य

विराटनगर : नेकपा (दाहाल-नेपाल समूह)का प्रदेश-१ का इन्चार्ज भीम आचार्यले प्रदेश सरकारविरुद्धको अविश्‍वास प्रस्ताव पारित गर्न  राजनीतिक एजेण्डा मिल्ने दलहरूसँग सहकार्य हुने बताएका छन् । ‘राजनीतिक एजेण्डा मिलेका र संसद्‍मा भएका दलसँग मिलेर अविश्‍वासको प्रस्ताव पारित गर्ने छौं,’ उनले भने ‘पहिला अविश्‍वास प्रस्ताव पारित गराउने छौं । त्यसपछि सत्ता साझेदारीबारे छलफल हुन्छ ।’ 

उनले अविश्‍वासको प्रस्ताव पारित भएपछि कांग्रेसँग पनि मुख्यमन्त्री लिने/दिने विषयमा छलफल हुने बताए ।  पार्टीको प्रदेश समितिले बुधबार आयोजना गरेको पत्रकार सम्मेलनमा विपक्षी दलसँग आफूले छलफल जारी राखेको आर्चायले वताए । 

---

राजनीतिक परिवेशमा असंवैधानिक कदमको विरोधमा रहेको कांग्रेसले अविश्‍वासको प्रस्तावको पक्षमा मत दिने उनेको दाबी थियो । नेकपाले माघ  १६ गते विराटनगरमा पार्टीका अध्यक्षको उपस्थितिमा  जनप्रदर्शन गर्ने र त्यसको तयारी पूरा भएको नेकपा प्रदेश अध्यक्ष घनेन्द्र बस्‍नेतले जानकारी दिए । सभालाई अध्यक्षद्वय पुष्पकमल दाहाल र माधव कुमार नेपालले सम्बोधन गर्ने कार्यक्रम छ ।