विद्यालयबाट हराएकी किशोरीको २४ घण्टापछि शव फेला

बैतडी : विद्यालयबाटै बेपत्ता किशोरीको २४ घण्टापछि जंगलमा शव फेला परेको छ । बुधबार बेपत्ता भएकी सनातन धर्म माबिमा पढ्ने बैतडी दोगडाकेदार गाउँपालिका-७ चडेपानीकी १७ वर्षीया भागरथी भट्ट मृत फेला परेकी हुन् । बिहीबार साँझ ५ बजेतिर विद्यालयबाट एक किलोमिटर टाढा जंगलमा उनी मृत फेला परेको मृतकका आफन्त शिवराज भट्टले इकागजलाई जानकारी दिए ।

किशोरीको शव फेला परेपछि घटनास्थलमा प्रहरीको टोली खटिएको जिल्ला प्रहरी कार्यालय बैतडीले बताएको छ । घटनाको अनुसन्धानका लागि धनगढीबाट तालिम प्राप्त कुकुर समेत मगाएको प्रहरीले जनाएको छ । उनको बलात्कारपछि हत्या भएको आफन्तले बताएका छन् ।

---