भागीरथीको बलात्कारपछि हत्या भएको पुष्टि

धनगढी  :  बैतडीको दोगडाकेदार नगरपालिका-७ मा १७ वर्षीया भागरथी भट्टको बलात्कारपछि हत्या भएको पुष्टि भएको छ । भट्टको बलात्कारपछि हत्या भएको प्रहरीले निष्कर्ष निकालेको अनुसन्धानमा खटिएका एक प्रहरी अधिकारीले बताए ।  

घटनास्थलबाट बरामद गरिएका विभिन्‍न सबुत प्रमाणका आधारमा थप अनुसन्धान जारी रहेको उनको भनाइ छ । जिल्ला अस्पताल बैतडीमा गरिएको पोष्टमार्टम रिपोर्टका आधारमा भट्टको बलात्कारपछि हत्या भएको निष्कर्ष निकालेको प्रहरीले जनाएको छ ।

---

 भट्टको घाँटीमा, यौनांगमा घाउ रहेको स्रोतले बतायो । ‘उनको घाँटीमा निलडाम छ,’ प्रहरी स्रोत भन्छ, ‘यौनाङ्गमा पनि घाउ छ ।’  उनकाे पाेष्टमार्टम रिपाेर्ट भाेलि सार्वजनिक गर्ने तयारी छ ।