ओली महाराजा बन्‍न लालायित भए  : डा. कोइराला

सुनसरी : नेपाली कांग्रेसका नेता डा. शेखर कोइरालाले  प्रधानमन्त्री केपी शर्मा ओली महाराजा बन्‍न लालायित भएको बताएका छन् । कांग्रेस सुनसरीले धरानमा आयोजना गरेको विरोध सभालाई सम्बोधन गर्दै नेता डा.कोइरालाले  प्रधानमन्त्री ओलीले नारायणहिटी दरबारको गेट र राजा महेन्द्रको शालिक अगाडि कार्यक्रम गरेर के सन्देश दिन खोजेको ? भन्दै प्रश्‍न गरे । "के महाराजा बन्‍न लालायित भएको ? राजाहरूले झैं म जे भन्छु त्यही कानुन हो भन्‍न खोजेको ?" डा. कोइरालाले भने ।

राष्ट्रपतिले आफ्नो मर्यादा र गरिमा बिर्सेर नेकपाभित्र एउटा गुटको भुमिका नि्वाह गरेकाले मुलुक बर्बादीतर्फ लागेको बताए। उनले राष्ट्रपति र प्रधानमन्त्रीले संविधानमाथि अतिक्रमण गरेकाले कांग्रेस बाध्य भएर सडकमा आएको बताए । सरकारको असंवैधानिक कदमको विरुद्धमा आफुहरूले संवैधानिक इजलासमा बस्‍ने न्यायाधीशहरूलाई दबाब अथवा आग्रह नगरेको डा. कोइरालाको भनाइ थियो ।

---

"संवैधानिक इजलासमा बसेर संविधानको व्याख्या गर्ने न्यायमुर्तिहरूले आफ्नो विवेक नगुमाई निर्णय गर्नुहुन्छ भन्‍ने कुरामा हामी विस्वस्त छौं" डा. कोइरालाले भने ।