लिभरपुलमा खेलाडीहरूको चोटले ल्याएको संकट

काठमाडौँ : लिभरपुलमा पहिलो रोजाईका तीन रक्षकले चोट बोकेपछि रक्षापंक्ति सम्हाल्ने जिम्मेवारी फाबिन्होको काँधमा आइपुग्यो । तर ब्राजिलियन मिडफिल्डर पनि घाइते भएपछि कप्तान जोर्डन हेन्डरसनलाई आपतकालिन रक्षक बनाईयो । उनी पनि गत साता एभरटनसँगको खेलमा घाइते बने ।

एनफिल्डमा भएको त्यस खेलमा हेन्डरसनलाई प्रतिस्थापन गर्ने थिए, युवा रक्षक नाथनियल फिलिप्स । उनको साझेदार थिए भर्खरै लिभरपुल आएका ओजान काबाक । फिलिप्स र काबाकको जोडी लिभरपुलले यस सिजन प्रयोग गरेको १८ औँ ‘डिफेन्सिभ पार्टनरसिप’ थियो । भर्जिल भान डाइक, जो गोमेज र जोएल माटिप लामो समयसम्म मैदान बाहिर रहने भएपछि प्रशिक्षक योर्गेन क्लपसँग फरक फरक रक्षा साझेदारी प्रयोग गर्नुको विकल्प रहेन । 

---

गत सिजन लिभरपुलले प्रिमियर लिग जित्दा जम्मा पाँच रक्षक जोडी मात्रै प्रयोग गरियो । भान डाइकले प्रत्येक खेल खेल्दा, उनको साझेदारका रुपमा गोमेज, माटिप र डेयान लोभरेनलाई उपयोग गरियो । फाबिन्होलाई त बिरलै रक्षापंक्तिमा देखियो । तर यो सिजन अवस्था फरक छ ।

सिनियर खेलाडीहरूले चोट बोक्ने क्रम नरोकिएपछि क्लपले एकेडेमीका युवा खेलाडीहरूलाई प्रयोग गरिरहेका छन् । सामान्य अवस्थामा अण्डर-२३ बाट खेल्ने रिस विलियम्सले सिनियर टोलीका १२ खेलमा मौका पाइसके । १९ वर्षका उनी च्याम्पियन्स लिगमा समेत देखिए । लिभरपुल जस्तो ठूलो क्लबमा १९ वर्षीय रक्षकले मौका पाउनु चानचुने कुरा होइन । अर्का युवा रक्षक बिल्ली कोमेटियोले पनि यस सिजन मौका पाए । १८ वर्षीय कोमेटियो च्याम्पियन्स लिगमा मिज्जील्यान्डसँगको खेलमा विलियम्सको पार्टनर थिए ।  

२३ वर्षीय फिलिप्स अण्डर-२३ बाट एकैपटक सिनियर टिमको मुख्य रक्षकमध्येका एक बनेका छन् । उनले जारी लिगमा सात खेल खेलेका छन् । जसमा उनले पाँच फरक रक्षकसँग साझेदारी गरेका छन् । जनवरीको सरुवा बजारमा एनफिल्ड आएका काबाक २० वर्षका छन् । जसले हेन्डरसनसँग दुई तथा फिलिप्ससँग एक खेल खेलेका छन् । जनवरी मै आएका बेन डेभिसले भने खेल्ने मौका पाइसकेका छैनन् । 

डेभिसले आउँदा खेलहरूमा मौका पाए, लिभरपुलले यस सिजन प्रयोग गरेको ‘डिफेन्सिभ पार्टनरसिप’ को संख्या सजिलै १९ पुग्नेछ । घाइते भएका फाबिन्हो मैदान फर्किएपछि ‘डिफेन्सिभ पार्टनरसिप’ को संख्या फेरि बढ्नेछ ।

त्यसो त लिभरपुलको रक्षापंक्ति मात्रै चोटले सताइएको छैन । चार रुक्षक घाइते हुँदा, अन्य स्थानमा खेल्ने १४ खेलाडीले पनि विभिन्न समयमा चोट बोक्दै टिम बाहिर बसेको तथ्य छ । यी १८ खेलाडीले लिभरपुलमा कुल एक सय ५५ लिग खेल गुमएका छन् । 

त्यसो त लिभरपुलको रक्षापंक्ति मात्रै चोटले सताइएको छैन । चार रुक्षक घाइते हुँदा, अन्य स्थानमा खेल्ने १४ खेलाडीले पनि विभिन्‍न समयमा चोट बोक्दै टिम बाहिर बसेको तथ्य छ । यी १८ खेलाडीले लिभरपुलमा कुल एक सय ५५ लिग खेल गुमएका छन् । ती मध्ये भान डाइकले २० खेल गुमाएका छन् भने गोमेज र माटिप क्रमशः १८ र १६ खेलमा देखिएका छैनन् ।  

क्लपका स्टार फरर्वाडहरूले पनि कुल ३७ खेल गुमाएका छन् । भान डाइक र गोमेजको चोटले तनावमा रहेका क्लपलाई नयाँ खेलाडी डिएगो जोटाले राहत दिएका थिए । तर पोर्चुगिज फरर्वाडले पनि १२ खेल गुमाइसकेका छन् । अर्का नयाँ खेलाडी थियागोले उति नै खेलमा अनुपस्थित रहे भने ग्रिक रक्षक कोस्तास सिमिकासले ११ खेलमा । 

लिभरपुलले प्रत्येक सिजनको सुरुवात आफूले भाग लिने प्रतियोगिता जित्ने लक्ष्यका साथ गर्छ । ती प्रतियोगिताहरूमा आफ्नो दाबेदारिता प्रस्तुत गर्न अधिकतम खेल खेल्नु पर्ने सामान्य तथ्य त छदैछ । यस्तोमा खेलाडीहरू थाक्ने र उनीहरूका लागि पर्याप्त आराम चाहिने अवस्था पनि आउँछ । तर कोभिड-१९ का कारण रोकिएर सुचारु भएको प्रिमियर लिग सिजनमा क्लबहरूका लागि खेलाडीलाई पर्याप्त आराम दिने मौका कमै थियो । यो सिजन पनि छोटो ब्रेक पछि सुरु भएपछि खेलाडीहरू थकित देखिदै आएका छन् । सामान्य अवस्थामा लामो प्रि-सिजनबाट गु्रजिने लिभरपुलले यस पटक तीन अभ्यास खेल मात्रै खेल्यो । अघिल्ला दुई सिजन लिभरपुलले क्रमशः नौ तथा आठ प्रि-सिजन खेल खेलेको थियो ।

लिभरपुलमा मात्रै होइन अरु क्लबहरूमा पनि खेलाडीहरूले छोटो समय मात्रै आराम गर्ने मौका पाए । जसका कारण धेरै खेलाडीहरूले चोट बोकेको अनुमान गर्न थालिएको छ । उसो त लिभरपुल बाहेका अन्य क्लबहरूले चोटका कारण धेरै खेलाडीहरू गुमाएका छन् । म्यानचेस्टर सिटीका १४ खेलाडीले ९३ खेल गुमाएका छन् । सिटीको सहरी प्रतिद्वन्द्वी युनाइटेडले ११ खेलाडीले ३९ खेल गुमाउँदा लेस्टर सिटीका १५ खेलाडीे ९६ खेलमा अनुपस्थिती रहे । मर्सिसाइडकै अर्को क्लब एभरटनका २० खेलाडीहरूले यो सिजन चोट बोकेका छन् । उनीहरूले एक सय छ खेल गुमाएका छन् । 

लिभरपुलका क्लप धेरै खेलाडी परिवर्तन गरिरहने प्रशिक्षक होइनन् । गत सिजन लिग जित्दा क्लपले जम्म २४ खेलाडी मात्रै प्रयोग गरेका थिए । यस सिजन भने उनले २८ खेलाडी प्रयोग गरिसकेका छन् । तथ्यांक हेर्ने हो भने, लिभरपुलको भन्दा धेरै खेलाडी प्रयोग गरी लिग जित्‍ने क्लब युनाइटेड मात्रै हो ।

लिभरपुलका क्लप धेरै खेलाडी परिवर्तन गरिरहने प्रशिक्षक होइनन् । गत सिजन लिग जित्दा क्लपले जम्म २४ खेलाडी मात्रै प्रयोग गरेका थिए । यस सिजन भने उनले २८ खेलाडी प्रयोग गरिसकेका छन् । तथ्यांक हेर्ने हो भने, लिभरपुलको भन्दा धेरै खेलाडी प्रयोग गरी लिग जित्‍ने क्लब युनाइटेड मात्रै हो । जसले २०१० को लिग जित्दा २९ खेलाडी उपयोग गरेको थियो । उता, सिटी भने कम खेलाडी खेलाउँदै लिग जित्‍ने टोली हो ।  उसले २०१८/१९ को लिग जित्दा २१ खेलाडी मात्रै खेलाएको थियो । 

फेरि लिभरपुल तर्फ फर्किउ । लिभरपुललाई यो सिजन रक्षकहरूको चोटले सताएको तथ्य लुकेको छैन । पहिलो रोजाइका तीन रक्षकको अनुपस्थितीमा रक्षापंक्तिमा धेरै प्रयोग हुने खेलाडी फाबिन्हो नै हुन् । मिडफिल्डर फाबिन्हो रक्षापंक्तिमा प्रयोग हुँदा लिभरपुलको मिडफिल्ड फिक्का देखिँदै आएको थियो । तर उनी पनि घाइते भएपछि लिभरपुल न त मिडफिल्डमा न त रक्षापंक्तिमा सम्हालिनसकेको छ । उनको अनुपस्थितीमा क्लपले हेन्डरसनलाई समेत पर्याप्त आराम दिन पाएनन् ।

कतिपयको तर्क छ, लिभरपुलले तिब्र गतिमा खेल्ने भएकाले धेरै खेलाडीहरूले चोट बोकेका हुन् । तर, यस्तो तर्क गरिरहँदा लिभरपुलले क्लप प्रशिक्षक बनेर आएदेखि ‘हाइ इन्टेनसिटी’ खेल नै खेलेको छ । फेरि पहिलेका सिजनहरूमा भन्दा यस पटक क्लपले थोरै ‘टे«निङ सेसन’ चलाएका छन् ।

लिभरपुलमा कयौँ खेलाडीहरू मैदान बाहिर रहे पनि, घरेलु लिग र च्याम्पियन्स लिग जितेका अन्य धेरै खेलाडीहरू टिममै छन् । त्यसकारण, लिभरपुलले आउँदा साताहरूमा भएका खेलाडीहरूको उपयोग गर्दै अधिकतम अंक बटुल्ने बाहेकको अर्को विकल्प छैन । जसरी लिभरपुलको मेडिकल विभागले चोटका कारण मैदान बाहिर रहेका खेलाडीहरूको ‘रिकोभरी’ मा खटिरहेका छन्, त्यसरी नै बाँकी खेलाडीहरू भने मैदानमा जितका लागि खटिनुपर्नेछ ।   (दी एथलेटिकको सहयोगमा)