बाल कलेजो प्रत्यारोपण गर्ने चिकित्सकको टोलीलाई प्रधानमन्त्रीको धन्यवाद

काठमाडौँ  :  बाल कलेजो प्रत्यारोपण सफलतापूर्वक सम्पन्न गर्ने चिकित्सकहरुको टोलीलाई प्रधानमन्त्री केपी शर्मा ओलीले बधाई तथा धन्यावाद ज्ञापन गरेका छन् । प्रधानमन्त्री ओलीले ट्वीटरमा लेखेर बाल कलेजो प्रत्यारोपण सफलतापूर्वक सम्पन्न गर्ने शिक्षण अस्पतालका चिकित्सकहरु प्राध्यापक डाक्टर रमेशसिंह भण्डारी नेतृत्वको टिमलाई बधाई दिएका हुन् । 

‘नेपालमा पहिलोपटक बाल कलेजो प्रत्यारोपण सफलतापूर्वक सम्पन्न गर्नुहुने शिक्षण अस्पताल महाराजगञ्जका प्रा.डा. रमेशसिंह भण्डारीले नेतृत्व गर्नुभएको टिमलाई बधाई तथा धन्यवाद दिन चाहन्छु,’ ओलीले भनेका छन् । 

---

नेपालमा पहिलोपटक बाल कलेजो प्रत्यारोपण सफलतापूर्वक सम्पन्न गर्नुहुने शिक्षण अस्पताल महाराजगञ्जका प्रा.डा. रमेशसिंह भण्डारीले नेतृत्व गर्नुभएको टिमलाई बधाई तथा धन्यवाद दिन चाहन्छु ।

— K P Sharma Oli (@kpsharmaoli) March 14, 2021

उनले कलेजो प्रत्यारोपण सेवा विस्तारमा सहयोग पुर्‍याइरहेका नयाँ दिल्लीस्थित फोर्टिस अस्पतालका डाक्टर विवेक भिजको टोलीलाई पनि धन्यावाद दिएका छन् । ओलीले भनेका छन्, ‘कलेजो प्रत्यारोपण सेवा विस्तारमा सहयोग पुर्याइरहनु भएका नयाँ दिल्लीस्थित फोर्टिस अस्पतालका डा. विवेक भिज र उहाँको सम्पूर्ण टिमलाई धन्यवाद तथा शुभकामना व्यक्त गर्दछु ।’ 

ओलीले कलेजो प्रत्यारोपण सेवालाई नेपालमा स्थापित गरेर अन्य सेवा जस्तै सर्वसुलभ बनाउन सरकारले सहयोग गर्ने पनि प्रतिबद्धता व्यक्त गरेका छन् । ‘कलेजो प्रत्यारोपण सेवालाई नेपालमा स्थापित गरी अन्य सेवाहरुजस्तै सर्वसुलभ बनाउन सरकारबाट आवश्यक पर्ने सम्पूर्ण सहयोग उपलब्ध गराउने प्रतिवद्धता व्यक्त गर्दछु’ उनले भनेका छन् ।    

त्रिभुवन विश्वविद्यालय शिक्षण अस्पताल (टिचिङ)  महाराजगञ्‍जमा ११ महिनाको बालकमा कलेजो प्रत्यारोपण गरिएको भएपछि प्रधानमन्त्रीले खुसी व्यक्त गरेका हुन् । ३५ वर्षीय बुबाले दिएको कलेजो ११ महिनाको छोरामा प्रत्यारोपण गरिएको हो । 

प्रत्यारोपण सफल भएपछि डाक्टर भण्डारीले ट्वीटरमा खुसी व्यक्त गरेका छन् ।  

A great day indeed!!
Our 5th liver transplant in TUTH but
“IST Pediatric Liver Transplant in Nepal.”
35Y Father to 11M old son.
Thank you Dr Vivek Vij and team Fortis,India for the support.
And thank you everyone involved.
Please wish for the speedy recovery of baby and father.

— Ramesh Singh Bhandari (@RameshSinghBh12) March 13, 2021