न्यु डायमण्ड दमक कपको फाइनलमा प्रवेश

काठमाडौं– होङ्गान्जी न्यु डायमन्ड स्पोर्ट्स क्लब प्रथम दमक कप राष्ट्रिय महिला भलिवल प्रतियोगिताको उपाधिनजिक पुगेको छ।
दमकको पसुहाटमा आज भएको खेलमा एपीएफलाई ३–० को सोझो सेटमा पराजित गर्दै न्यु डायमन्ड फाइनलमा प्रवेश गरेको हो।
डायमन्डले एपीएफमाथि ३०–२८, २५–१७ र २६–२४ को एकपक्षीय जित निकाल्न सफल भयो ।

प्रतियोगिताको विजेता २ लाख रुपैयाँसँग ट्रफी हात पार्नेछ । दोस्रो हुने टोलीले १ लाख प्राप्त गर्नेछ । सात्वना टोलीलाई समान १५ हजार रुपैया प्रदान गरिनेछ । विधागततर्र्फ सर्वोत्कृष्ट खेलाडीले १० हजार रुपैया प्रदान गरिने आयोजकले जनाएको छ । यस्तै व्यक्तिगतविधातर्फ स्पाइकर, ब्लकर, सेटर, सर्भर, डिफेन्डरले समान ५ हजार प्राप्त गर्नेछन् ।

---