कसले जित्ला निर्णायक एकदिवसीय क्रिकेट

काठमाडौँ : भारत र इंग्ल्यान्डबीचको तेस्रो एकदिवसीय क्रिकेट आज हुदैछ । पुनेमा दिउँसो पौने २ बजेपछि खेल सुरु हुनेछ । दोस्रो एकदिवसीय जितेको इंग्ल्यान्ड तेस्रो एकदिवसीय पनि जित्ने उद्धेश्यका साथ मैदान उत्रिनेछ ।

नियमित कप्तान इयोन मोर्गन घाइते भएका कारण टिम बाहिर रहेपनि जोश बटलरले दोस्रो एकदिवसीयमा टिमलाई सनसनी जित दिलाएका थिए । भारतले दिएको ३३८ रनको लक्ष्य पूरा गर्दै विश्वविजेता इंग्ल्यान्डले सिरिज आफ्नो पक्षमा पार्ने संकेत गरेको छ । 

---

इंग्ल्यान्डका जोनी बेयरस्टो र बेन स्टोक्स फर्ममा देखिएका छन् । यसअघि टेस्ट र टी-ट्वान्टी सिरिज जितेको भारत आजको खेल जित्दै एकदिवसीय सिरिज पनि आफ्नो पक्षमा पार्ने कोसिसमा हुनेछ ।