सरकारले आयल निगमलाई निजीकरण गर्न खोजिएको भन्ने विषय भ्रामक हो : मन्त्री बडु

काठमाडाैं– उद्योग, आपूर्ति तथा वाणिज्य मन्त्री दिलेन्द्रप्रसाद बडुले नेपाल सरकारले नेपाल आयल निगमलाई निजीकरण गर्न लागेको भन्ने विषय पूर्णतया आधारहीन, भ्रामक र असत्य रहेको  बताएका छन् । मन्त्री बडुले संसदमा बोल्दै यस्तो बताएका हुन् ।

‘नेपाल सरकारले नेपाल आयल निगमलाई निजीकरण गर्न लागेको भन्ने विषय पूर्णतया आधारहीन, भ्रामक र असत्य रहेको छ,’ उनले भने, ‘आयल निगमलाई निजीकरण नभइ प्रशासनिक, वित्तिय एवम व्यवस्थापकीय रुपमा सुधार गरि चुस्त दुरुस्त राख्दै प्रतिस्पर्धी बनाउने अध्ययन भइरहेको जानकारी गराउन चाहान्छु ।’

---

 मन्त्री बडूले पेट्रोलिय पदार्थको आपूर्तिलाई सहज र प्रतिस्पर्धी बनाउन नेपाल आयल निगमका साथै निजी क्षेत्रलाई पनि आपूर्तिमा समावेश गराउने विषयमा आवश्यक सुझाव पेश गर्न राष्ट्रिय योजना आयोगका उपाध्यक्षको संयोजकत्वमा गठित कार्यदललाई आदेश दिइएको उनले बताए ।