बजेटमा अर्थतन्त्रका चुनौती वेवास्ता गरिएको छ : विष्णु पौडेल

काठमाडौं– प्रतिपक्षी दल नेकपा एमालेका नेता विष्णु पौडेलले बजेटले अर्थतन्त्रका चुनौतीहरूलाई वेवास्ता गरेको बताएका छन् । संसद्‍मा बजेटमाथिको सैद्धान्तिक छलफलमा बोल्दै उनले सरकारले सस्तो लोकप्रियता आर्जन गर्न बजेट ल्याएको बताए । 

‘बजेट संकटमा पर्दै गएको अर्थतन्त्रलाई ठीक बाटोमा फर्काउन तत्काल चाल्नुपर्ने कदममा केन्द्रित हुनुपर्दथ्यो । तर, विडम्बना अर्थतन्त्रका चुनौतीहरूलाई वेवास्था गरिएको छ,’ उनले भने, ‘र, सस्तो लोकप्रियताका लागि अनुकुल ठानिएका र बिना तयारी दीर्घकालीन प्रकृतिका योजनाहरुको चाङ लगाएको छ ।’

---