बजेट चुनावी प्रचारात्मक घोषणापत्र जस्तो छ – सांसद रावल

काठमाडौं–एमाले सांसद डा. भिम रावलले सरकारले ल्याएको बजेट चुनावका लागि गरिएको प्रचारात्मक घोषणापत्र जस्तो भएको बताएका छन् । ‘बजेट सामान्य अवस्थामा चुनावी लाभका लागि गरिने सतही र प्रचारात्मक घोषणापत्र जस्तो छ,’ उनले भने, ‘यसमा हटाउनु पर्ने र संसोधन गर्नु पर्ने धेरै कुराहरू छन् ।’

सांसद रावलले बजेटले संविधानको धारा ५० मा उल्लेखित राष्ट्रिय एकता र सुरक्षा, राजनीतिक शासन व्यवस्था, सामाजिक र सांस्कृतिक रुपमान्तरण, अर्थ,उद्योग वाणिज्य, कृषि र भूमिसुधार, विकास र प्रकृतिक साधान र स्रोतको संरक्षणलगायतका प्रावधान विपरीतको दिशा समातेको बताए ।

---

बजेट अन्तर्राष्ट्रिय सम्बन्ध सम्बन्धी नीति विपरीत समेत भएको उनले आरोप लगाए । बजेट धारा ५२ मा उल्लेखित राज्यको दायित्व सम्बन्धी प्रावधान विपरीत रहेको उनको भनाइ छ । सरकारले ल्याएको बजेटले देशको आर्थिक दुरावस्था प्रति संवेदनशील नभइ राज्यकोष फजुल काममा वितरण गर्ने दिशा लिने देखिएको उनले बताए ।