संसद्‌मा मुल्यवृद्धि सम्बन्धमा जरुरी सार्वजनिक महत्वको प्रस्तावमाथि छलफल

काठमाडौँ- प्रतिनिधिसभामा मुल्यवृद्धि सम्बन्धमा सार्वजनिक महत्वको प्रस्ताव प्रस्तुत गरिएको छ । 

पेट्रोलियम पदार्थसहितका वस्तुतमा अस्वभाविक मुल्यवृद्धि गरिएको भन्दै संसद्‌मा दर्ता गरिएको जरुरी सार्वजनिक महत्वको प्रस्तावलाई शुक्रबारको प्रतिनिधिसभाको बैठकमा प्रस्तावक विशाल भट्टराईले प्रस्तुत गरेका हुन् । 

---

साथै उक्त प्रस्तावको समर्थनमा गणेश कुमार पहाडी,  राजेन्द्र प्रसाद लिङ्देन र दुर्गा पौडेलले रहेका छन् । 

बैठकमा प्रस्ताव पेस गरेका भट्टराई र समर्थनमा बोलेका सांसदहरुले अस्वभाविक रुपमा मुल्यवृद्धि भइरहँदा सरकारले बजार अनुमगनसमेत नगरेको बताएका छन् । 

मुल्यवृद्धिका कारण जनजीवन कष्टकर बनिरहँदा सरकार मुल्यवृद्धि घटाउन उनीहरुको माग छ । पेट्रोलियम पदार्थमा लगाइएका कर घटाएर भए पनि मुल्यवृद्धि नियन्त्रण गर्नुपर्ने बताएका छन् । 

पेट्रोलियम पदार्थ आयात गर्न आयल निगमको एकाधिकार तोडेर निजी क्षेत्रलाई कमिसन खाएर दिन लागेको आशंका गरेका उनीहरुले आपत्ति जनाए । 

अहिले उक्त प्रस्तावमाथि छलफल भइरहेको छ । छलफलका लागि दुई घण्टा छुट्याइएको छ ।