दैलेखमा पेट्रोलियम पदार्थ उत्पादन अगाडि बढाइयोस् : सांसद रावल

काठमाडौं–एमाले सांसद डा. भीम रावलले दैलेखमा पेट्रोलियम पदार्थ उत्पादन तीव्ररुपमा सुरु गर्न सरकारलाई आग्रह गरेका छन् । संसद्मा जारी मूल्यवृद्धि सम्बन्धी जरुरी सार्वजनिक महत्वको प्रस्तावको छलफलमा बोल्दै उनले यस्तो बताएका हुन् ।

‘रुस युक्रेन युद्ध र यस्ता सम्भावित घटना घट्ने कुरालाई ध्यानमा राखेर सबभन्दा पहिले दैलेखमा इन्धन र पेट्रोलियम पदार्थ उत्पादनको कुरा सरकारले तीव्ररुपमा अगाडी बढाओस्,’ उनले भने, ‘पञ्चायतकालमा पनि बाहिर खुला बजारबाट कच्चा पदार्थ ल्याएर भारतमा प्रशोधन गरेर नेपाल त्यसको सह उत्पादन गर्ने गरिएको थियो । खुला बजारबाट कहाँ सस्तो पाइन्छ तेल त्यहाँबाट ल्याउन देशमाथि निर्भर होइन त्यता तर्फ सरकारले तुरुन्तै पाइला चालोस् ।’

---

उनले विद्युत उपभोगको लागि इन्डक्सन चुलो बाँड्ने भन्दा विद्युत उपभोग गर्ने उपभोक्तालाई  विद्युत उपभोगमा सहुलियत दिएर  आकर्षण गर्न सरकारले ध्यान दिनुपर्ने बताए ।  इन्धनमा लगाइएका कर पनि हटाउन समेत उनले आग्रह गरे ।