अर्थमन्त्रालयको प्रस्तावलाई सञ्चारमन्त्रालयले 'कोल्याप्स' हान्यो : गोकुल बास्कोटा

काठमाडौं– एमाले सांसद गोकुल बास्कोटाले अर्थमन्त्रालयको बजेटको प्रस्तावलाई सूचना तथा सञ्चार मन्त्रालयले 'कोल्याप्स' गरिदिएको बताएका छन् । उनले संसदमा सञ्चार मन्त्रालयको खर्च कटौतीका विषयमा बोल्दै यस्तो बताएका हुन् ।

अर्थमन्त्रालयले नयाँ सवारीसाधन खरिद नगर्ने प्रस्ताव गरे पनि सञ्चार मन्त्रालयले नयाँ साधान खरिद गर्ने शीर्षकमा बजेट विनियोजन गरेको उनको भनाइ छ ।

---

 ‘बजेट भाषण गरिरहँदा अर्थमन्त्रीले जुँगामा ताउ लगाउँदै के कुरामा ताली खाए भने- कुनै पनि सरकारी निकायमा नयाँ सवारी साधन खरिद गरिने छैन ,’ उनले भने, ‘तर सञ्चार मन्त्रालयले आफ्नो विनियोजन शीर्षकको पहिलो ‘क’ नम्बरमै ४ वटा मोटरसाइकल ७ वटा स्कुटर किन्ने भनेर राखिएको छ । यस्तो देखियो कि सञ्चार मन्त्री झुट हो कि अर्थ मन्त्री झुट हो ? मेरो विचारमा अर्थ मन्त्रालयको प्रस्तावलाई सञ्चार मन्त्रालयले कोल्याप्स हान्यो ।’ उनले यस्ता खर्च कटौती गर्नु पर्ने बताए ।