संसदमा आज प्रधानमन्त्री र अर्थमन्त्रीले जवाफ दिने

काठमाडौँ - आज प्रतिनिधि सभाको बैठक बस्दैछ । दिउँसो १ बजेका लागि बैठक बोलाइएको हो । प्रतिनिधि सभामा आज प्रधानमन्त्री शेरबहादुर देउवा र अर्थमन्त्री जनार्दन शर्माले जवाफ दिने कार्यक्रम छ । 

प्रतिनिधिसभामा रक्षा मन्त्रालय, अर्थ मन्त्रालय, प्रधानमन्त्री तथा मन्त्रिपरिषद्को कार्यालय, राष्ट्रपतिको कार्यालय, उपराष्ट्रपतिको कार्यालयसँग सम्बन्धित विषयमा प्रधानमन्त्री र सम्बन्धित मन्त्रीले जवाफ दिन आजको समय निर्धारण गरिएको हो ।

---

असार १ को बैठकमा ती मन्त्रालय र निकायकासमेतले जवाफ दिइसकिने समय तोकिए पनि हिजो राति अबेरसम्म चलेको बैठकमा पनि प्रधानमन्त्री र अर्थमन्त्रीले जवाफ दिन नभ्याएपछि सभामुख अग्निप्रसाद सापकोटाले आजका लागि पुनः समय तोकेका हुन् ।