५ वटा विधेयक प्रमाणित

काठमाडौँ–सभामुख अग्नि सापकोटाले ५ वटा विधेयक प्रमाणित गरेका छन् । संघीय संसद्को दुवै सदनबाट पास भएका ५ वटा विधेयकलाई मंगलबार सभामुखले प्रमाणित गरेका छन् ।

उनले लोकसेवा आयोग सम्बन्धी कानुनलाई संशोधन र एकीकरण गर्न बनेको विधेयक, आर्थिक वर्ष २०७९/०८० को सेवा र कार्यको लागि संघीय सञ्चित कोषबाट केही रकम विनियोजन र खर्च गर्ने सम्बन्धमा व्यवस्था गर्न बनेको विधेयक प्रमाणित गरेका हुन्।

---

यस्तै ऋण तथा जमानत ऐन, २०२५ लाई संशोधन गर्न बनेको विधेयक, राष्ट्र ऋण उठाउने अधिकारको व्यवस्थालाई गर्न बनेको विधेयक र नेपाल सरकारको अर्थ सम्बन्धी प्रस्तावलाई कार्यान्वयन गर्न बनेको विधेयक पनि सभामुखले प्रमाणित गरेका छन्।

प्रमाणित भएका विधेयकले राष्ट्रपतिबाट प्रमाणीकरण भएपछि कानुनको रुप लिनेछन् ।