काठमाडौँ : म्यानमारमा सैन्य 'कू'विरुद्ध भइरहेको आन्दोलनमाथि नेपाल मजदूर किसान पार्टीले आफ्नो धारणा व्यक्त गरेको छ । प्रतिनिधि सभालाई सम्बोधन गर्दै बिहीबार नेमकिपाका सांसद प्रेम सुवालले उक्त आन्दोलनप्रति आशंका व्यक्त गरेका छन् ।

'म्यानमारमा सैन्य 'कू'को विरोधमा चिनिया उद्योगमा आगलागी र चीनको झण्डा जलाइएको छ । कतै यो एमसीसीको श्रृंखला त होइन ? भन्ने प्रश्न उठिरहेको छ', सुवालले भने,'म्यानमारका जनताको अधिकार र स्वातन्त्रताको लागि अमेरिकी सरकारको हस्तक्षेप त होइन ? यो पनि प्रश्न उठिरहेको छ ।' 

---

त्यस्तै सांसद सुवालले चीनलाई दक्षिणतिरबाट घेर्ने योजना त होइन ? भनेरसमेत प्रश्न गरेका छन् । उनले मानव अधिकार र लोकतन्त्रको विषय उठाएर पश्चिमा मुलुकले अर्को मुलुको आन्तरिक मामिलामा हस्तक्षेप गर्ने गरेकोसमेत आरोप लगाए ।