सांसदहरूलाई राष्ट्रियसभा अध्यक्ष तिमिल्सिनाको आग्रह : सदन चलिरहँदा मोबाइल स्विच अफ गर्नूस्

काठमाडौँ- ​राष्ट्रिय सभाका अध्यक्ष गणेशप्रसाद तिमिल्सिनाले सदन चलिरहँदा मोबाइल स्विच अफ गर्न सांसदहरूलाई आग्रह गरेका छन् ।

मंगलबार राष्ट्रिय सभा बैठकमा उनले मोबाइल स्विच अफ गर्न सांसदहरूलाई सचेत गराएका हुन् । नेकपा (एकीकृत समाजवादी) का सांसद मदनकुमारी साह गरिमाले बोलिरहेका बेला एक सांसदले मोबाइल चलाइरहेको देखेपछि अध्यक्ष तिमिल्सिनाले त्यसो नगर्न भनेका हुन् ।

---

उनले भने, ‘माननीयज्यू मोबाइल स्विच अफ गर्नूस् ।’

सदन चलिरहेका बेला सांसदहरूलाई राष्ट्रिय सभाका अध्यक्षले सचेत गराउन सक्ने अधिकार रहेको हुन्छ ।