दलहरूले नाम नदिएपछि संसदीय समिति गठनमा ढिलाइ

काठमाडौँ - प्रमुख दलले संसदीय समितिमा रहने सांसदहरूको नाम उपलब्ध नगराएपछि समिति गठनमा ढिलाइ हुने भएको छ । सिंहदरबारमा बुधबार बसेको प्रतिनिधिसभा कार्यव्यवस्था परामर्श समिति बैठकमा कांग्रेसलगायत दलहरूले समितिमा रहनेहरूको नाम दिन ढिलाइ गरेपछि समिति गठनमा ढिलाइ हुने भएको हो ।

कांग्रेसलगाएत दलले समितिका रहनेहरूको नाम बुझाउन बिहीबारसम्मको समय माग गरेका छन् । परामर्श समिति बैठकपछि एमाले प्रमुख सचेतक पदम गिरीले समितिमा रहने सांसदहरूको नाम बुझाउन केही दलले समय मागेको बताए । 

---

संवैधानिक परिषद्सम्बन्धी विधेयकलाई सदनमा पेश गर्ने विषयमा पनि परामर्श समितिमा सहमति जुट्न नसकेको र यस विषयमा पुन छलफल हुने जानकारी दिए ।

बैठकमा सभामुख देवराज घिमिरेले संसदलाई प्रभावकारी बनाउन संसदीय समितिमा रहनेहरूको नाम बिहीबारसम्म बुझाउन आग्रह गरेका थिए ।