सांसदहरूले लगाउने पोशाक तय गरेको प्रति सुमना श्रेष्ठले जनाइन् आपत्ति

काठमाडौँ– राष्ट्रिय स्वतन्त्र पार्टी (रास्वपा) सांसद सुमना श्रेष्ठले प्रतिनिधिसभाले सांसदहरूले लगाउने पोशाक तय गरेको प्रति आपत्ति जनाएकी छन् । सोमबारको प्रतिनिधिसभा बैठकको शून्य समयमा बोल्दै उनले यस्तो नियम भ्रष्टाचार र मानव बेचबिखन जस्तो जघन्य अपराधबाट विषयान्तर गर्न ल्याइएको बताइन् । 

उनले यसलाई आफूहरूले सफल हुन नदिने बताउँदै भनिन्, ‘भ्रष्टाचार र मानव बेचबिखनजस्तो जघन्य अपराधबाट विषयान्तर गर्ने यो प्रयासलाई हामी सफल हुन दिने छैनौँ । समय निकै भएकैले होला टि–सर्ट र जिन्समा अड्किनु भएको । प्राथमिकता के हो ? नैतिक प्रहरी बन्ने कि संसदीय समितिहरूको बैठक तय गर्ने ?’

---

परिवर्तनको मशाल बोक्नेहरूलाई सत्तामा रहेका शासकहरूले दबाउने गरेको उनको भनाइ थियो ।