सरकारले जलवायु परिवर्तनका असरसँग जुध्न उत्पदनशीलता वृद्धि गर्ने

काठमाडौँ– सरकारले जलवायु परिवर्तनका असरसँग जुध्न उत्पदनशीलता वृद्धि गर्ने आगामी आर्थिक वर्षको नीति बनाएको छ । शुक्रबार संघीय संसद्को दुवै सदनलाई सम्बोधन गर्दै राष्ट्रपति रामचन्द्र पौडेलले यस्तो जानकारी दिएका हुन् । 

‘जलवायु परिवर्तनका असर र प्रभावलाई सामना गर्न उत्पदनशीलता वृद्धि गरिनेछ,’ उनले भने, ‘जलवायु अनुकूलन तथा विपत व्यवस्थापन क्रियाकलापलाई एकीकृत गरी जोखिम न्यूनीकरण तथा रोकथाम गरिनेछ ।’

---

बाढी पहिरो लगायतको जलवायु जन्य जोखिममा रहेका बस्ती तथा विस्थापित परिवारलाई सुरक्षित स्थानमा स्थानान्तरण गरिने उनले बताए । विपत व्यवस्थापनमा सूचना प्रविधिलाई बढाउँदै लगिने सरकारको नीति रहेको राष्ट्रपति पौडेलले जानकारी दिएका छन् ।

संघ, प्रदेश र स्थानीय तहबीच समन्वय गरेर विपत व्यवस्थापन गरिने नीति सरकारको छ ।