संघीय निजामती ऐन तुरुन्त ल्याइयोस् : सांसद दामोदर पौडेल बैरागी

काठमाडौँ–सांसद दामोदर पौडेल बैरागीले संघीय निजामती कर्मचारी ऐन तुरुन्त ल्याउन माग गरेका छन् । बिहीबार प्रतिनिधिसभा बैठकको शून्य समयमा बोल्दै उनले सरकारलाई निजामती ऐन ल्याउन अनुरोध गरेका हुन् । 

‘निजामती सेवालाई स्वच्छ, निष्पक्ष, सक्षम पारदर्शी, उत्तरदायी, सहभागिता मूलक बनाउन,क्षतिपूर्तीसहितका नागरिक सेवा प्रदान गर्न संघीय निजामती ऐन ल्याउन जरुरी छ,’ उनले भने, ‘र यसलाई तुरुन्त ल्याइयोस् ।’

---

यसै अधिवेशनबाट ऐन ल्याउनुपर्ने समेत उनको भनाइ छ । सांसद् बैरागीले निजामती कर्मचारीहरूको आधिकारिक ट्रेड युनियन र संगठनहरूको सुझावलाई मध्यनजर गरेर ऐन ल्याउन सुझाव दिए ।