संसदमा उठ्यो महानगरले भृकुटीमण्डपमा रोकेको शैक्षिक मेलाको विषय

काठमाडौँ– संसदमा काठमाडौँ महानगरपालिकाले बिहीबार भृकुटीमण्डपमा सञ्चालित शैक्षिक मेला रोकेको विषय उठेको छ । बिहीबारको प्रतिनिधिसभा बैठकमा नेकपा एमाले सांसद दीपा शर्माले महानगरको हस्तक्षेपले हजारौं विद्यार्थीलाई अलपत्र पारेको बताइन् । 

‘शैक्षिक मेला किन रोकिएको छ, शिक्षा मन्त्रालयले स्वीकृति दिएको छ । हजारौं विद्यार्थी अवलोकनमा आइरहेका छन्, र संघीय मन्त्रालय अनुमति दिने स्थानीय सरकारले पुलिस डन्डा लगाएर उठाउने, संघीय सरकार र स्थानीय सरकारको तालमेल किन भएको छैन ?’ उनले भनिन् । 

---

महानगरले मेला रोकेर विद्यार्थीलाई सूचनाको हकबाट वञ्चित गरेको उनले टिप्पणी गरिन् । उनले शिक्षामन्त्रीले यसको जवाफ दिनुपर्ने पनि माग राखिन् ।

शुक्रबार प्रतिनिधिसभा बैठकमा उद्योग, वाणिज्य तथा आपूर्ति मन्त्रालय, भूमि व्यवस्था, सहकारी तथा गरिबी निवारण मन्त्रालय र भौतिक पूर्वाधार तथा यातायात मन्त्रालयको विनियोजन शीर्षकमाथि छलफल भइरहेको छ ।