सांसद सुमना श्रेष्ठको प्रश्नः जबसम्म प्रश्न बुझिँदैन उत्तर के दिने ?

काठमाडौं – राष्ट्रिय स्वतन्त्र पार्टी (रास्वपा) की सांसद सुमना श्रेष्ठले त्रिभुवन विश्वविद्यालयमा हरेक भाषामा लाखौं विद्यार्थी पढे पनि परीक्षामा अङ्ग्रेजीमा मात्रै प्रश्न सोध्ने गरेको गुनासो पोखेकी छिन् ।

मंगलबार प्रतिनिधिसभाको बैठकमा बोल्दै उनले त्यसो भनेकी हुन् । उनले भनिन्, ‘ नेपाली विषयमा पढाइएपनि प्रश्न अङ्ग्रेजीमा मात्रै आउँछ । हजारौं विद्यार्थीहरू प्रश्न नबुझेर उत्तर लेख्न सक्दैनन् र फेल हुन्छन् । हाम्रा लाखौँ विद्यार्थीहरू सरकारी स्कुलमा पढ्छन् जहाँ अङ्ग्रेजी पनि नेपाली विषयमा पढाइन्छ ।’ 

---

उनले थपिन्, ‘कुनै पनि विद्यार्थीलाई उसले पढाइको माध्यम नै नबनाएको विषयमा पारङ्गत नभएका कारण अज्ञानी साबित गराउन पाईंदैन । विद्यार्थीले जुन विषयमा पढेका छन् सोही भाषामा प्रश्न पाउने वातावरण मिलाऔँ । यो गाह्रो काम होइन । प्रश्नपत्रमा अङ्ग्रेजी, नेपाली दुवै भाषमा लेखिदिए पुग्छ ।’ 

‘अङ्ग्रेजीमा पढ्नेले अङ्ग्रेजीमा र नेपालीमा पढ्नेले नेपालीमा लेख्न पाउनुप¥यो । यो कहिलेसम्म गर्नुहुन्छ ?’ , उनले सदनमा प्रश्न गरिन् ।