संविधान संशोधन गरेर उपराष्ट्रपतिलाई राष्ट्रियसभाको जिम्मेवारी दिउँ : सांसद सिंह

काठमाडौँ– स्वतन्त्र सांसद अमरेशकुमार सिंहले उपराष्ट्रपतिको कार्यालय सम्बन्धी विनियोजन बजेट शीर्षकमा आफ्ना भनाइ राखेका छन् । 

आइतबार प्रतिनिधिसभा बोल्दै उनले गणतन्त्रमा जनता प्रधान हुनुपर्नेमा राष्ट्रपति र उपराष्ट्रपति भन्ने बित्तिकै जनताबाट टाढा बनाइने र भिआईपी बनाइने कुराको जिकिर गरेका हुन् । 

---

उनका अनुसार चुनाव हुनुभन्दा एक दिन पहिलेसम्म सामान्य जनता भए पनि चुनाव भएको दोस्राे दिन जनताबाट टाढा हुने प्रवृत्ति व्याप्त भएकाले गणतन्त्रमा वितृष्णा हुन थालेको छ । 

सदनमा सिंहले छिमेकी राष्ट्र भारतको राष्ट्रपति विजय कलाम जनताका बीचमा जाने कुराको उदाहरण दिँदै नेपालमा त्यस्तो नभएको गुनासो पोखे । सिंहका अनुसार उपराष्ट्रपतिलाई जनताका लागि के कस्ता काम भए भन्ने थाहै नभएको बताए । 

उनले सभामुख मार्फत सम्बन्धित निकायलाई प्रश्नैप्रश्न तेर्स्याउँदै भने, ‘तेस्राे राष्ट्रपति हुनुहुन्छ । हाम्रो देशमा त्यस्तो सुरक्षा थ्रेट नभएकाले त्यस्ता हजारौं हजार सुरक्षाकर्मी तैनाथ गर्नुपर्ने के आवश्यकता छ ? जनतासँग कुरा गर्न नहुने हुन्छ ? जनसरोकारको व्यहोरामा उहाँहरूलाई मूर्ति बनाएर राख्ने हो र ?’

उनले अगाडि भने, 'अरू देशहरूमा उपराष्ट्रपतिलाई राष्ट्रियसभाको अध्यक्षता गर्न दिइन्छ । एउटै कामका लागि दुई जनाको पद किन ओगट्ने ?’

भिआईपी संस्कार निर्माण गरिएको, महङ्गो गाडी, अगाडि पछाडि सुरक्षाकर्मी हुने तर जनताकाे करकाे उचित उपयाेग नहुने भन्दै आक्राेश पाखे ।

हेलीप्याड निर्माणकाे कुरा, अनेक खर्चका कुरा दर्साउँदै संविधान संशोधन गरेर उपराष्ट्रपतिलाई राष्ट्रियसभाको जिम्मेवारी दिनुपर्ने उनकाे भनाइ छ ।