रोजगारीका लागि विदेश जाने नेपालीलाई एयरपोर्टबाटै ट्रयाकिङ गरौँ : प्रदीप पौडेल

काठमाडौँ–नेपाली कांग्रेसका सांसद प्रदीप पौडेलले रोजगारीमा विदेश जाने नेपालीलाई सरकारले एयरपोर्टबाटै ट्रयाकिङ गर्नुपर्ने बताएका छन् । बुधबार प्रतिनिधिसभा बैठकको आकस्मिक समयमा बोल्दै उनले यस्तो बताएका हुन् ।

‘कतिपय नेपालीको विदेशमा मृत्यु हुन्छ,’ उनले भने, ‘तर त्यसको जानकारी नेपाललाई वा उसको परिवारलाई हुँदैन । कतिपयको मृत्यु भएको बर्षौँ पछि मात्रै थाहा हुन्छ । त्यसैले नेपालबाट रोजगारीका लागि विदेश जाने नेपालीलाई एयरपोर्टदेखि नै ट्र्याकिङ गर्ने व्यवस्था गरियोस् ।’

---

उनले अगाडि थपे, ‘उ कहाँ गएको हो ? गएको ठाउँमा पुग्यो कि पुगेन ? त्यहाँ गएर सम्झौता अनुसार उसले रोजगारी प्राप्त ग¥यो कि गरेन ? काम गर्ने सन्दर्भमा उ बिरामी भयो कि ? अथवा कुनै दुर्घटनामा प¥र्यो कि ? कुनै विपतमा प¥यो कि ? त्यसको ट्र्याकिङ गर्ने व्यवस्था सरकारले गर्न जरुरी छ ।’

सरकारले विदेश गएका नेपालीको सन्दर्भमा परराष्ट्र मन्त्रालय, सम्बन्धित देशको दूतावास र श्रममन्त्रालयमा सबैतिर सहयोग गर्ने डेस्क निर्माण गर्न पनि उनले अनुरोध गरे ।