जातीयताको नाममा राजनीति गरेर लासको सिँढी बनाइयो : सांसद ज्ञानेन्द्र शाही

काठमाडौँ– सांसद ज्ञानबहादुर शाहीले जातीयताको नाममा राजनीति गरेर दलितहरूका लासलाई राजनीति गर्ने सिँढी बनाएर सत्ताको मुखमा कहिल्यै नल्याएको आरोप लगाएका छन् । 

शुक्रबारको प्रतिनिधिसभाको शून्य समयमा जुम्लाको भर्खर घटेकाे घटना र रुकुमको घटनालाई जिकिर गर्दै उनले यस्तो बताएका हुन् । देशमा जातीय भेदभावविरुद्ध विभिन्न आन्दोलन भए पनि सो अनुसार देश नचलेको सांसद शाहीले सदनमा गुनासो गरेका छन् । 

---

सांसद शाहीले भने, ‘जातीयताको नाममा र लासको सिँढीमा राजनीति गरिएको छ । त्यो समुदायका मान्छेलाई किन प्रधानमन्त्री  बनाइँदैन ? यो देशमा मरिचमान सिंह श्रेष्ठ मात्रै जनजातिका प्रधानमन्त्री हुनुभएको छ ।’ 

उनले थपे, ‘यो जातीय विभेद विरुद्धको आन्दोलन तबमात्रै सफल हुन्छ जब त्यो समुदायका व्यक्तिलाई कार्यकारी पद दिइन्छ । यहाँ अर्काको सिँढी चढेर हुँदैन ।’

साथै, सदनमा बोल्दै उनले कुनै पनि वर्ग उत्थानका लागी सोही वर्गका व्यक्ति प्रधानमन्त्री हुनुपर्ने कुरामा समेत जोड दिएका छन् ।