संसद्‌का तीन वटा समितिको बैठक बस्दै

काठमाडौं- संसद्‌का तीन वटा समितिको बैठक बस्दैछ । 

संघीय संसद्‌ सचिवालयका अनुसार शुक्रबार शिक्षा, स्वास्थ्य तथा सूचना प्रविधि समितिसहित दिगो विकास तथा सुशासन समिति तथा विधायन व्यवस्थापन समितिको बैठक बस्नेछ ।

---

विधायन समितिमा विद्युतीय व्यापार विधेयक, २०८० माथि दफावार छलफल हुनेछ भने दिगो व्यवस्थापन समितिमा दिगो विकास लक्ष्य नं ५ अन्तर्गत लैंगिक समानता तथा सामाजिक न्याय सम्बन्धमा अन्तर पार्टी महिला सञ्‍जालसँग छलफल गरिनेछ । दिगो विकासको अपरान्ह १:०० बजेबाट सुरू हुँदा विधायन समितिको १ बजेबाट सुरू हुनेछ । 

उता शिक्षा समितिमा चिकित्सा शिक्षाको गुणस्तर र सम्बन्धनका विषयमा समितिमा आएका उजुरीका सम्बन्धमा शिक्षा, विज्ञान तथा प्रविधि मन्त्रालय, स्वास्थ्य तथा जनसङ्‍ख्या मन्त्रालय, चिकित्सा शिक्षा आयोग र प्राविधिक शिक्षा तथा व्यवसायिक तालिम परिषद्सँग छलफल हुने संसद्‌ सचिवालयले जनाएको छ । बैठक बिहान १०:३० बजेबाट सुरू हुनेछ ।