२ अर्ब ९४ करोड बचत हिनामिना गरेको ओरेन्टल सहकारीका सुधीर शर्मासँग छलफल

काठमाडौं - सहकारी संस्था बचत रकम दुरुपयोग संसदीय छानबिन विशेष समितिले सरोकारवाला निकायसँगको छलफललाई जारी राखेको छ । 

सहकारी संस्था बचत रकम दुरुपयोगको छानबिनका लागि निष्कर्षमा पुग्न समितिले छलफललाई निरन्तरता दिएको हो । यसै क्रममा समितिले बुधबार ओरेन्टल सहकारीका सुधीर शर्मासँग छलफल गरेको समिति संयोजक सूर्य थापाले जानकारी दिए । १२ वर्षदेखि समस्याग्रस्त रहेको उक्त सहकारीले २ अर्ब ९४ करोड बचत फिर्ता गर्न बाँकी रहेको उनको भनाइ छ ।

---

त्यस्तै छलफलका क्रममा शर्माले आफूमाथि हजार बढी मुद्दा परेको र सबैको फेस गरेको बताएका थिए । आफूले बचतकर्ताको रकम फिर्ता गर्ने क्रममा रहेको बताउँदै शर्माले सहकारी सञ्चालनमा देखिएका समस्याका बारेमा जानकारी गराएको समिति संयोजक थापाले उल्लेख गरे । 

त्यस्तै समितिले बुधबार नै सहकारी सुरु गर्ने विश्वबन्धु थापासँग पनि छलफल गरेको थियो । सो क्रममा सहकारी क्षेत्रमा देखिएको बेतिथिका बारेमा छलफल भएको समिति संयोजक थापाले बताए ।