स्थायी आवास बनाउनका लागि सरकारले गम्भीरताका साथ अघि बढिरहेको छ : गृहमन्त्री लेखक

काठमाडौँ- गृहमन्त्री रमेश लेखकले जस्तोसुकै विपदमा परेका नागरिकको स्थायी आवास निर्माण गर्न अनुदान दिनका लागि मापदण्ड तयार गरेको बताएका छन् ।

बिहीबार राष्ट्रियसभा बैठकमा सांसदहरूले सोधेको प्रश्नको जवाफ दिँदै गृहमन्त्री लेखकले सबै खालका विपदबाट घर क्षति भएका नागरिकको अस्थायी आवाज निर्माणका लागि अस्थायी आवास अनुदान मापदण्ड २०८१ तयार गरिएको बताए ।

---

मन्त्रिपरिषदबाट पारित भएपछि मापदण्ड कार्यान्वयन हुने उनले बताए । उनले २५–२५ हजार दुई किस्तामा रकम दिने गरि मापदण्ड तयार भएको जानकारी दिए ।

स्थायी आवास बनाउनका लागि सरकारले गम्भीरताका साथ अघि बढिरहेको उनको भनाइ छ ।

उनले जाजरकोट र बझाङ केन्द्रविन्दु भएर गएको भूकम्पबाट प्रभावितहरूका लागि ३ अर्ब १६ करोड रुपैयाँ विनियोजन भएको जानकारी दिए ।