कार्यव्यवस्था बैठक : राष्ट्रिय सभाको अर्को बैठकमा उपप्रधानमन्त्रीले सम्बोधन गर्ने

काठमाडौँ : राष्ट्रिय सभाको कार्यव्यवस्था परामर्श समितिको बैठकले यो अधिवेशनको पहिलो बैठकको कार्यसूची तय गरेको छ । राष्ट्रिय सभा आठौँ अधिवेशनको पहिलो बैठक बिहीबार ४ बजे बस्न लागेको हो ।

बैठक बस्नुअघि बसेको कार्यव्यवस्था परामर्श समितिको बैठकले राष्ट्रिय सभा आठौँ अधिवेशनका एजेन्डाबारेमा छलफल गरेको छ । बिहीबार दिउँसो बसेको समितिको बैठकले राष्ट्रपतिबाट प्राप्त पत्र पढ्ने र दलका प्रतिनिधिलाई बोल्न दिने निर्णय गरेको हो ।

---

कार्यव्यवस्था परामर्श समितिको बैठकपछि सत्तारुढ एमाले राष्ट्रिय सभाका मुख्य सचेतकमा खिमलाल भट्टराईलाईले यो अधिवेशनमा  विधेयकका साथसाथै समितिका प्रतिवेदनहरू र संवैधानिक निकायबाट आएका पत्रहरू प्रस्तुत हुने जानकारी दिए । उनका अनुसार दोस्रो बैठकमा सरकारका तर्फबाट उपप्रधानमन्त्रीसमेत रहेका मन्त्री विष्णु पौडेल सम्बोधन गर्नेछन् ।