आज तीन वटा संसदीय समितिको बैठक बस्दै

काठमाडौँ- प्रतिनिधिसभाका दुई समितिको बैठक बस्दैछ ।

संघीय संसद्‌ सचिवालयका अनुसार आज तीन वटा समितिको बैठक बस्नेछ । 

---

जसअनुसार राज्य व्यवस्था समितिसहित शिक्षा, स्वास्थ्य तथा सूचना प्रविधि समिति तथा विधायन व्यवस्थापन समितिको बैठक बस्न लागेको हो ।

राज्य व्यवस्था समितिमा सङ्‍घीय निजामती सेवाको गठन, सञ्‍चालन र सेवाका सर्त सम्बन्धमा व्यवस्था गर्न बनेको विधेयक उपर संशोधन प्रस्तावकर्तासँग सांसदहरूले छलफल गर्नेछन् । जुन बैठक दिउँसो १:०० बजेबाट सुरू हुनेछ ।  

उता, शिक्षा समितिमा विद्यालय शिक्षा विधेयक, २०८० माथि दफावार छलफल हुनेछ, जुन बैठक दिउँसो २ बजेबाट सुरू हुनेछ ।

विधायन व्यवस्थापन समितिको बैठकमा भने नेपाल लेजिस्लेटिभ एकेडेमीसँग छलफल हुनेछ, सो बैठक दिउँसो २:३० बजे बस्नेछ । 

तीन वटै समितिको बैठक सिंहदरबारस्थित संसद्‌ सचिवालयमा बस्नेछ ।