तीन वटा संसदीय समितिको बैठक बस्दै

काठमाडौँ- संघीय संसद्‌ अन्तर्गतका तीन वटा संसदीय समितिका बैठक बस्दैछ ।

संघीय संसद्‌ सचिवालयका अनुसार तीनवटै समितिको बैठक सिंहदरवारस्थित सचिवालय भवनमा बस्नेछ । 

---

जसअनुसार हिजो कोरम नपुगेर बैठक बस्न नसकेको अर्थ समितिको बैठक पुन आज बिहान ११:०० बजे बस्ने भएको छ ।

जुन बैठकमा सुरक्षित कारोबार ऐन, २०६३ लाई संशोधन गर्न बनेको विधेयकमाथि संशोधनकर्तासँग छलफल हुने सचिवालयले जनाएको छ । 

विधायन व्यवस्थापन समितिको बैठक भने ११:३० बजे बोलाइएको छ, जहाँ तिलगङ्गा नेत्र विश्वविद्यालय विधेयक, २०८१ मा विज्ञसँग छलफल हुने जनाइएको छ भने  सार्वजनिक नीति तथा प्रत्यायोजित विधायन समितिको बैठकमा राष्‍ट्रिय निकुञ्‍जहरुसँग सम्बन्धित नीतिगत समस्या तथा समाधानका उपायहरु सम्बन्धमा छलफल हुनेछ । जुन बैठक बिहान १२:३० बजेबाट सुरू हुने सचिवालयले जनाएको छ ।