प्रधानमन्त्री ओलीको विरोधमा सांसदले देखाए 'कालो क्याप'

काठमाडौँ : केपी शर्मा ओलीको विरोधमा राष्ट्रिय सभामा सांसदले कालो टोपी देखाएका छन् । सोमबारको बैठकमा प्रमुख प्रतिपक्षी नेपाली कांग्रेसका सांसद रमेशजंग रायमाझीले कालो टोपी देखाएका हुन् ।

सरकारको विरोधमा सदनमा कालो झण्डा देखाउन नमिल्ने भएकाले आफूले कालो क्याप देखाएको सांसद रायमाझीले प्रष्टोक्तिसमेत दिएका छन् । कालो टोपी देखाउँदै उनले भने,'सदनमा कालो झण्डा देखाउने अवस्था नभएकाले प्रधानमन्त्रीको कदमको विरोधमा सदनले थाहा पाओस् कालो झण्डाका रूपमा प्रस्तुत गरेको छु ।'
 

---