जसपाका सांसदको स्वीकारोक्ति : ओलीको संगतमा 'सन्त-महन्थ'हरू बिग्रिए

काठमाडौँ : जनता समाजवादी पार्टीको राजनैतिक किचलोले राष्ट्रिय सभाको बैठकमा प्रवेश पाएको छ । राष्ट्रिय सभाको सोमबारको बैठकको विशेष समयमा बोल्दै राष्ट्रिय सभा सदस्य मृगेन्द्र सिं यादवले प्रधानमन्त्री केपी शर्मा ओेलीको संगतमा परेर आफ्नो पार्टीका नेताहरुले छलछाम  र जालझेल गर्न थालेको आरोप लगाएका हुन् ।

उनले भने,'संगतसे गुण होत हे संगत से गुणजात, सम्माननीय प्रधानमन्त्री ओलीज्यु संगतमा परेर हाम्रो पार्टीको सन्त-महन्तहरू पनि छलछाम  जालझेल र जालसांजीमा महारथ हासिल गर्नुभएको छ ।'

---

जनता समाजवादी पार्टीका अध्यक्ष महत्थ ठाकुरले किर्ते गरेर, नक्कली कागजपत्र तयार गरेर आफूलाई एकल अध्यक्ष भएको दाबी गरेको बताए । सांसद यादव अहिले उपेन्द्र यादव समूहमा छन् । उनले वर्तमान प्रधानमन्त्रीलाई हिन्दी भाषाको एक उखानमा तुलना गर्दे कमौरव वंशको जस्तो अन्त्य हुने ठोकुवा गरे ।

सांसद यादवले हिन्दिमा राष्ट्रियसभाको बैठकमा भन्नुभएको हिन्दी भाषाको उखान यस्तो छ,'अहंकार से नास होत हे धर्म वैभव वंश, नमानो तो देखलो रावण कौरव कंस' ।