दुई संसदीय समितिको बैठक बस्दै

काठमाडौँ- संघीय संसद्‌का दुई समितिको बैठक बस्दैछ । 

संघीय संसद्‌ सचिवालयका अनुसार ती सबै समितिको बैठक सिंहदरबारस्थित कार्यालयमा बस्नेछन् । 

---

जसअनुसार राज्य व्यवस्था तथा सुशासन समितिको बैठक बिहान ११:०० बजे बोलाइएको छ । सो बैठकमा संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयकमाथि छलफल गरिनेछ ।

उता, विकास, आर्थिक मामिला तथा सुशासन समितिको बैठकमा भने विश्व जलवायु सम्मेलन (कोप २९)  को समिक्षा र नेपालको आगामी कार्यदिशा वारेमा छलफल गरिनेछ । सो बैठक बिहान ११:३० बजेबाट सुरू हुने समितिले जनाएको छ ।