कोरम नपुगेपछि संसदीय सुनुवाइ समिति बैठक स्थगित

काठमाडौँ - कोरम नपुगेपछि संसदीय सुनुवाइ समिति बैठक स्थगित भएको छ । सिंहदरबारमा आइतबार बोलाइएको बैठकमा अधिकांश सांसदहरू उपस्थित नभएका कारण बैठक स्थगित भएको हो ।

आइतबारको बैठकमा नपुग्दा भारत, बेलायत र अमेरिकाका लागि प्रस्तावित राजदूतहरूको सुनुवाइ हुन नसकेको समिति सभापति लक्ष्मणलाल कर्णले जानकारी दिए। १ घण्टा पर्खिदा पनि कोरम नपुगेपछि बैठक मंसिर १७ गतेसम्मका लागि स्थगीत गरिएको उनले बताए । 

---

समितिका सभापति कर्णले एमाले, माओवादी लगाएतका दलहरूको अधिवेशन चलिरहेकाले सांसदहरू उपस्थित हुन नसकेको जानकारी आएको बताए । गत ११ कात्तिकमा बसेको मन्त्रिपरिषद बैठकले भारतका लागि नेपाली राजदूतमा डा. शंकर शर्मा, अमेरिकामा श्रीधर खत्री र बेलायतमा ज्ञानचन्द्र आचार्यको नाम सफारिस गरेको थियो ।