आज प्रतिनिधि सभा बैठक बस्‍दै, यस्तो छ सम्‍भावित कार्यसूची

काठमाडौं – आज (बुधबार) प्रतिनिधि सभाको बैठक बस्दै छ । संघीय संसद् सचिवालयकाअनुसार प्रतिनिधि सभाको बैठक दिउँसो १ बजे बस्नेछ । आजको बैठकमा सभामुख अग्निप्रसाद सापकोटाले राष्ट्रपतिको कार्यालयबाट प्राप्त कार्यभार तोकिएको सम्बन्धी पत्रको व्यहोरा पढेर सुनाउने कार्यसूची रहेको संसद् सचिवालयले जनाएको छ।

त्यसैगरी आजको बैठकमा गृहमन्त्री बालकृष्ण खाणल ‘नेपाल प्रहरी र प्रदेश प्रहरी (कार्य सञ्चालन, सुपरिवेक्षण र समन्वय) (पहिलो संशोधन), ‘तेजाव तथा अन्य घातक रासायनिक पदार्थ (नियमन) अध्यादेश, २०७८ तथा ‘सामाजिक सुरक्षा (पहिलो संशोधन) अध्यादेश स्वीकृतिका लागि पेस गर्ने सम्‍भावित कार्यसूची रहेको छ।

---

मंगलबार पनि प्रतिनिधि सभाको बैठक बसेको थियो । प्रमुख प्रतिपक्षी नेकपा एमालेले प्रतिनिधि सभामा निरन्तर अवरोध गर्दै आएको छ । मंगलबारको बैठकमा पनि एमालेका सांसद्हरूले नाराबाजी गरेका थिए। एमालेको नाराबाजीका कारण  केही समय बसेर स्थगित भएको  थियो ।