प्रतिनिधिसभाको अर्को बैठक शुक्रबार

काठमाडौँ - प्रतिनिधिसभाको आजको बैठक सकिएको छ । आजको बैठकले शोक प्रस्ताव पारित गरेको छ । बैठकले जगतबहादुर ताजपुरिया, लक्ष्मीदास मानन्धर र डा. दमन सिह थापाको निधनमा शोक प्रस्ताव पारित गरेको हो । बैठक चलुन्जेल नेकपा एमालेका सांसदहरुले नाराबाजी गरेका थिए ।

आजकाे बैठकमा एमसीसी टेबल हुने भनिएपनि नेताहरूबीच सहमति हुन नसक्दा एमसीसी टेबल हुन सकेन । बिहीबार सत्तागठबन्धनमा आबद्‍द दलहरुकाे बैठक डाकिएकाे छ । साे बैठकले एमसीसीबारे थप निर्णय गर्ने बताइएकाे छ । प्रतिनिधिसभाको अर्को बैठक शुक्रबार दिउँसो १ बजेका लागि डाकिएकाे छ ।

---