प्रतिनिधि सभा बैठक बस्दै, एमसीसी टेबल होला ?

काठमाडौँ - आज प्रतिनिधि सभाको बैठक बस्दै छ । बैठक दिउँसो १ बजे सं‌सद् भवन नयाँ बानेश्वरमा बस्‍नेछ । 

बैठकमा एमसीसी टेबल हुने चर्चा छ । उद्यपि सम्भावित कार्यसूचीमा भने एमसीसी समावेश छैन ।

---

सभामुख अग्निप्रसाद सापकोटाले कार्य परामर्श समितिको बैठक बोलाएका छन् । यसबारे सहमति गर्न आजै सत्ता गठबन्धनका शीर्ष नेताको बैठक पनि बस्दैछ ।बैठकले एसीसी संसद्‍मा टेबल गर्ने/नगर्नेबारे निर्णय गर्ने बताइएको छ ।

यसबारे निर्णय गर्न गठबन्धनको बैठक यसअघि पटक पटक बसे पनि कुनै सहमति हुन सकेको छैन । संसद्‍मा प्रमुख प्रतिपक्षी दल नेकपा एमालेको अवरोध पनि कायमै छ ।