प्रचण्ड भेट्न खुमलटारमा पुगे मेयर बालेन्द्र

काठमाडौं - काठमाडौं महानगरपालिकाका मेयर बालेन्द्र शाह खुमलटार पुगेका छन् । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई भेट्न उनी शनिबार बिहान खुमलटार पुगेका हुन् । 

खुमलटार भेटघाटमा महानगरपालिकालाई विकास तथा समसामयिक राजनीतिक बिषयमा छलफल भएको प्रचण्डका स्वकीय सचिव रमेश मल्लले जानकारी दिए ।

---

यसअघि शाहले नेकपा एमाले अध्यक्ष केपी शर्मा ओली र प्रधानमन्त्री शेरबहादुर देउवालाई भेटघाट गरिसकेका छन् ।