विष्णु रिजाल भन्छन् - कांग्रेसको सती जान प्रतिस्पर्धा गरिरहेकाहरूसँग वाम एकताको चर्चा गर्नु निरर्थक

काठमाडौँ - नेकपा एमालेका प्रचार विभाग उपप्रमुख विष्णु रिजालले कांग्रेसको सती जान प्रतिस्पर्धा गरिरहेकाहरूसँग वाम एकताको चर्चा गर्नु वस्तुतः नेपालको कम्युनिस्ट आन्दोलनलाई थप कमजोर बनाउनु मात्र भएको बताएका छन् । एमाले सैद्धान्तिक रूपमा कहिल्यै पनि वाम एकताका विपक्षमा नरहेको बताउँदै यतिबेला बुर्जुवा र दक्षिणपन्थी नेपाली कांग्रेस र यसका सभापतिलाई आफ्नो नेता मानेर हिंडिरहेका र उसको जितमा खुशियाली मनाइरहेकाहरूसँग वाम एकताको चर्चा गर्नु एमालेका कार्यकर्ता पंक्तिको मनोबल गिराउनु मात्र भएको उनले बताएका छन् । 

प्रतिक्रियावादीका चौतर्फी हमला, घेराबन्दी र षडयन्त्रहरूका बाबजुद एमालेलाई ३८ लाख मतसहित सर्वाधिक लोकप्रिय र पहिलो पार्टीका रूपमा स्थापित गर्ने काम अध्यक्ष कमरेड केपी शर्मा ओलीको दृढ नेतृत्वमा सम्भव भएको उनको भनाइ छ ।

---

एमालेलाई कमजोर बनाउने खेलमा लागिरहेको पृष्ठभूमिमा कुनै पनि हिसाबमा पार्टी नेतृत्वलाई कमजोर बनाउने कुरा नेकपा (एमाले) का कुनै पनि इमानदार नेता, कार्यकर्ता, समर्थक र शुभेच्छुकलाई सह्य नहुने बताएका छन् ।