प्रचण्डको दाबी : सबै पूर्वमाओवादी एक ठाउँमा आउने वातावरण बनेको छ

काठमाडौँ - नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड'ले सबै पूर्वमाओवादीहरूको नयाँ एकता प्रक्रिया हुने दिन नजिकिएको दाबी गरेका छन् । आइतबार काठमाडौँमा आयोजित नेपाल राष्ट्रिय कर्मचारी महासंघको केन्द्रीय समितिको बैठकमा बोल्दै अध्यक्ष दाहालले पूर्वमाओवादीहरूको नयाँ एकताको श्रृंखला नजिकिएको दाबी गरेक हुन् । उनले अब पुनः विभाजनलाई निषेध गरेर एकताले ठाउँ लिने दाबी गरे । 

‘हामी एकता र विभाजनको श्रृंखला पार गरेर यहाँ आइपुगेका छौँ । माओवादी आन्दोलनभित्र पनि विभाजनको एउटा श्रृंखला र एकताको नयाँ प्रक्रिया हुँदै अब करिब-करिब सबै पूर्वमाओवादी भन्नेजति एक ठाउँमा आउने वातावरण भएको छ,' उनले भने, 'अब फेरि विभाजनलाई निषेध गरेर एकताले ठाउँ लिँदैछ । छिटै त्यो टुंगोमा पुग्दैछ ।' 

---

अध्यक्ष दाहालले कर्मचारीहरू भित्र पनि बिस्तारै एकीकृत हुने अवस्था बन्ने बताए ।