समाजवादीमा '१० भाइ'को खटपट : मन्त्री आलेसहित ६ सांसदले फिर्ता लिए हस्ताक्षर

काठमाडौँ- संसदीय दलको बैठक बोलाउन माग गर्दै लिखित निवेदन दिएका नेकपा एकीकृत समाजवादी पार्टी १० सांसदमध्ये ६ जनाले हस्ताक्षर फिर्ता लिएका छन् । एउटा कामका लागि गरिएको हस्ताक्षर अन्तै प्रयोग गरेको भन्दै हस्ताक्षर फिर्ता गरेका हुन् ।

आफूहरूले अर्को कामका लागि हस्ताक्षर गरेको तर त्यसलाई तोडमोड गर्न खोजेपछि फिर्ता लिएको कृष्णलाल महर्जनले बताए । 'जुन उदेश्यका लागि हस्ताक्षर गरेका थियौँ । त्यसमा प्रयोग भएन' महर्जनले इकागजसँग भने 'हस्ताक्षर अन्तै प्रयोग भएपछि हामीले फिर्ता लिएका हौँ ।'

---

विरोध खतिवडाको नेतृत्वमा सांसदहरू रामकुमारी झाँक्री, प्रेम आले, कृष्ण कुमार श्रेष्ठ, कृष्णलाल महर्जन, गोपालबहादुर बम, बिनादेवी बुढाथोकी, पुष्पाकुमारी कर्ण कायस्थ, धनबहादुर बुढा र निरा जैरुले असन्तुष्टि पत्र दर्ता गराएका थिए । तिमध्ये प्रेम आले, कृष्णलाल महर्जन, गोपालबहादुर बम, वीनादेवी बुढाथोकी, पुष्पाकुमारी कर्ण कायस्थ, धनबहादुर बुढाले पनि हस्ताक्षर फिर्ता गरेको महर्जनले बताए ।

यस्तो थियो दर्ता गराएको असन्तुष्टि पत्र