प्रेस युनियनका पूर्वअध्यक्षहरूसँग शेखरको भेट

काठमाडौँ - नेपाली कांग्रेसका नेता डा. शेखर कोइरालाले प्रेस युनियनका पुराना नेता तथा पूर्व अध्यक्षहरूसँग भेटघाट गरेका छन् । 

नेपाल प्रेस युनियनको महाधिवेशनको संघारमा कोइरालाले युनियनका नेताहरूलाई आज भेटेका हुन् । 

---

उनीहरूले प्रेस युनियनको अधिवेशनमा संस्थापनइतरबाट धेरै जना आकांक्षी देखिएकाले एकै उम्मेदवार बनाएर जान डा. शेखरलाई सुझाव दिएका छन् । युनियनको महाधिवेशनमा संस्थापनइतरबाट चार जना भन्दा बढी आकांक्षी देखिएका छन् । 

भेटघाटमा तारानाथ दाहाल, कुलचन्द्र वाग्ले, तेजप्रकाश पण्डित, रमेश तुफान, किरण पोख्रेल, कबिर राणा, बिपुल पोख्रेल, पोषण केसी, तथा कांग्रेस सहमहामन्त्री बद्री पाण्डे र जीवन परियार र कांग्रेस केन्द्रीय सदस्य संजय गौतम सहभागी थिए । युनियनको महाधिवेशन आगामी साउन ६ र ७ गते हेटौंडामा हुँदैछ ।